Header_01.jpg

Interbiblio sa mova a pliras interfatschas tranter ils secturs biblioteca, promoziun da litteralitat, scola, furmaziun prescolara, litteratura e cultura sco era integraziun. Ils commembers da la suprastanza, dal secretariat e da las bibliotecas tgiran contacts persunals ed il barat cun las instituziuns pertutgadas.

 

Bibliotecas

Interbiblio è, sco gruppa da contact, commembra collectiva da l’Associaziun svizra da bibliotecas BIS (Bibliothek Information Schweiz) e tgira contacts cun represchentantas e represchentants da la Cuminanza da lavur da las bibliotecas svizras da lectura publica Bibliotheken SAB/CLP.
Interbiblio tgira contacts cun Bibliomedia Svizra, surtut cun il Bibliocenter a Soloturn che dispona da collecziuns en las linguas da migraziun impurtantas en Svizra e d’autras offertas interculturalas. Interbiblio è era in dals purtaders da project da Mondomedia – bibliotecas avertas . Il team da Mondomedia – tranter auter era collavuraturas e collavuraturs da differentas bibliotecas commembras d’Interbiblio – organisescha en il rom da la scolaziun da basa da la CLP curs davart la lavur da biblioteca interculturala.
Interbiblio observa las activitads da las secziuns IFLA Libraries for children and young adults e Library services to multicultural populations e s’engascha a chaschun da dietas IFLA punctualmain cun referats.

 

Promoziun da la litteralitad

Interbiblio ha contacts cun l’Institut svizzer da medias per uffants e giuvenils SIKJM e tgira il barat professiunal per ils projects «Schenk mir eine Geschichte» / «1001 Histoires», «Versdatenbank» e «Buchstart/Né pour lire/Nati per leggere» (SIKJM e Bibliomedia Svizra).

 

Scola / CDE / LCP

Interbiblio observa las activitads dals uffizis chantunals da scolaziun e da la CDE en il sectur da la pedagogia interculturala ed infurmescha ses commembers davart publicaziuns e projects.
Interbiblio è commembra da la Cuminanza d’interess emprima lingua CIE e s’engascha per meglras cundiziuns da basa da l’instrucziun LCP (lingua e cultura da la patria) <pdf-bildungspolitik>. En quest rom tgira Interbiblio era la website hsk-info.

 

Promoziun e furmaziun prescolara

Interbiblio è en contact cun la Cumissiun svizra da l’Unesco per furmaziun prescolara, cun l’institut Marie Meierhofer per l’uffant MMI e la rait Tgira d’uffants.

 

Literattura e Cultura

Interbiblio tgira il barat cun il secretariat central da IBBY (International Board on Books for Young People) a Basilea e cun sias secziuns sin l’entir mund, ed intermediescha a sias bibliotecas commembras la IBBY-Honorlist cun propostas da cudeschs per uffants e per la giuventetgna da numerus pajais ed en bleras linguas.
Interbiblio è era en contact cunt Baobabbooks, il servetsch spezialisà per promover la diversitad culturala en la litteratura per uffants e la giuventetgna.
Interbiblio collavura cun il team dal Schulhausromans e dal labor da litteratura dals giuvenils JULL en il project «Schreibinsel».

 

Migraziun – Integraziun

Interbiblio tgira contacts persunals cun represchentantas e represchentants da la Cumissiun federala da migraziun CFM. La commembra da la suprastanza dad Interbiblio, Ana Calderia Tognola represchenta en la CFM las migrantas ed ils migrants da la Svizra.
Bleras bibliotecas commembras vegnan sustegnidas d’uffizis d’integraziun chantunals.
Era existan contacts cun il Forum svizzer per studis da migraziun e da la populaziun FMP.

Bibliotecas commembras